ناقص دبدوبْ
فتـّشت كتير هداياىَ الرّاجعه ومالقيتهوش ..
دوّرت فْ كل هديه كتير بالطول والعَرض..
وقلبت الشنطـَه كمان عَ الأرض
ولقيتْ دِبله وجوابات وكروت..
وجنيه مقسوم وصُور وقلوبْ..
لكن برضُه!! ناقص دبدوبْ
ـــــــــــــــــــــــــــــــــــــ
ـــــــــــــــــــــــــــــــــــــ
كل اللىّ فْ قلب الشنطه معاىَ بيستنظـَر
وبجدّ الشنطه بدون دبدوب..مالهاش منظرْ
كل الجوابات ممكن يكتبها حبيب غيرى
والدِبله خلاص موضوعها اتشال من تفكيرى
والباقى حاجات بتكون دايماً بين أىّ اتنين .. وبتتكرّر ْ..
وفْ شنطة كلّ حبيب وحبيبه هتِلـْقِى حاجات منهُم واكتر
ْوهتـِلقِى شموع ودموع وفرَح وأمَل ساكِن ْ
مُمكِن..لكِنْ!! مش كل حبيب بيجيب دبدوبْ
ــــــــــــــــــــــــــــــــــــ
وازّاى انساه ؟
ــــــــــــــــــــــــــــــــــــ
وازّاى انساه ؟
وانا كلّ ايامى الحلوه معاكِى .. معَاه؟
أيام ماعشقتـِك قبل ما اقول..
وايام ماحلمتـِك قبل ما اطول
وايام وايام بتفوت على طول
وانا وانتى فْ كل دقيقه بنبـْنى جنينة حب وشوق وأمَلْ
وانا قلبى الدِيبْ..على إيدِك والله لقيتـُه حَمَـلْ ..
كنت امّا ازعلْ
ألاقيكى بتِجرى على الدبدوبْ
لجـْلْ يصالحِك
وفْ أحزانِك بيمدّ إيديه
علشان يمسح دمعة جرحِك
ْوفْ فرحِك..كان من فرْحُه يطير ْ..
دا انا كُنت بغِيــرْلمّا اعرف انّه امبارح كان بين دراعِينـكْ
وباحسّ ساعات وكأنه حَرَس بينى وبينِكْ ..
واتخيّل إنّه ساعتها خلاص قرّب منـّك..
وإديكى عليه..وعنيكى عـَليه:أجرى واطلـّع صورتِك واندَهْ!!
والله يا روحى أنا اللى شارِيه
وسنين بتفوت وقلوب بتدوب
وفْ لحظه خلاص يخدعنا كلام..
وتموت أحلام..ويضيع دبدوب
ـــــــــــــــــــــــــــــــــــ
فاكراه واللىّ انتى خلاصْ ناسياه
فاكراه واللىّ انتى خلاصْ ناسياه
مع كلّ زمانى اللىّ عشقتـُه؟
طَب فاكرَه انا إمتى زمان جِبـْتُه؟
كات أول مرة انطقها (بحبـّـك) قدّامِك
وابصّ فْ عِينك قدّامـِـك
كات أول مرة أدخل فى عنيكى بدون ما اخْجـَـل
سلـّمت كتير على كل رموشِك عَ المدخـَ
لوفْ لحظة لقيتنى فْ قلب عنيكى بدون صاحب
وجناين مَاليـَه ربوع عِينك مالهاشْ صاحِب
وساعات بامشيها وحاسِس إنىّ خلاص مجنون
من كُتر المشْى نسيت ان انا أصلاً فى عيون
ولقيتنى فْ ننّ عنيكى خلاص بعد المشوار..
ولقيت لى فْ ننّ عنيك جناين فـُلّ ودار..
ومشاعر حب وشوق وحنين وحنان جَارْفـَه..
عارفـَه؟
مع إنّ عنيكى مَهـِيش خـَضْرَه!!
الدنيا تملـّى فْ ننّ عنيكى تبان خـَضْره..
مليانه أمل بتحاوْطـُه الأحلام والخـُضْر
هوانا كلّ ما انام..قلبى الحيران بيلوم رِمشى..
وامّا اتحرّك واعمِل ماشى
بيقول لى : حرام .. لسّه هتمشِى؟
وسنين بتمرّ عليّ فْ نِنّ عنيكى السُود
ْوفْ لحظه لقِيتنى خلاص مَطْرودْ..
على ناصية اول رمش بعيدْ..
من غير دبدوب
ـــــــــــــــــــــــــــــــــــــــ
قلبى الطيـّب ..
قلبى الطيـّب ..
مش قادر ينسى سنين فاتِت..
مش قادر يرمى حكايةْ حُبـُّه عشان غلطـَه
ويقول :ماتِتْجايلِك من تانى بحلم جديدجايلك
وفْ إيده أمل وحنان ولـُقى ومواعيدومعاه دِبله
وجوابات
وكروت
وجوابات
وكروت
وجنيه مقسوم
ْوصور..
وقلوب:جاىّ يقول لِكْ
علشاااان خَطـْرِى!!...
خللـّى الدبدوبْ
ـــــــــــــــــــــــــــــــــــــــ
(ديوان (مرسال لحبيبتى
أشرف توفيق
ـــــــــــــــــــــــــــــــــــــــ
(ديوان (مرسال لحبيبتى
أشرف توفيق
من مدونه : اخف دم
8 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
فاكر الدبودب
الى قولت ف يوم انة ليك
يوم ما قالك قلبي بحبك
يوم ما المرايا شافت صورتك
يوم ما قولت لقلبك بحبك
يوم ما الدنيا لفت بيك
و القلب كان فرحان بيك
يوم ما قولت ليك بحبك
كان الحب مالك قلبك
يوم ما الدنيا فتحت ايدها
و قالت انى ليك حبيب العمر
يوم ما شاف عنيك و فهم الكلام
و خلص الكلام و الدبدوب لسة زى ما كان
اااااااااااااة يا حب كان
راااائع
10\10
تحياتى
رئيس الجمهورية
ايه ده ايه ده
جامده ياعمرو والله
على كده اشرف توفيق هيغير منك
الله انت اللى رائع ياعم
منورنى كده دايمآ يارب
تسلم إيد اللي كتبها
والله تجنن بجد
يسلموووو اختي الحبيبة